Onthou Saterdag se rugbywedstryde teen Menlopark. Die eerstespanwedstryd skop om 14:00 af en word op Kanaal 216 gebeeldsend. Leerders moet dit asseblief in skooldrag bywoon. Bring al jou Jansengees!

Benut jou bloktyd! Daar is leerlinge wat op dae wat hulle nie skryf nie, steeds by die skool is, maar nie om te studeer nie. Geen leerder mag by die skool wees op dae wat hulle nie skryf nie, veral nie in gewone drag nie. Bloktyd is daar vir jou om beter vir vraestelle voor te berei, gebruik dit!

Geagte ouers, let asb daarop dat die skool Woensdag,26 April 2023, om 12:00 verdaag a.g.v die langnaweek. Groete LF de Beer

NEEM KENNIS:

Hoërskool Dr. E.G. Jansen sal môre, Vrydag, 21 April 2023, om 12:00 verdaag aangesien al die sportspanne (netbal, hokkie en rugby) vroeg moet vetrek om aan die NWU-Skolereeks deel te neem, van ons kinders en onderwysers is by die ATKV-redenaars by Laerskool Concordia betrokke en ‘n groep gr. 11 leerlinge en ‘n personeellid woon TUKS se akademiese dag by. Baie sterkte aan al ons spanne.

Ons is jammer oor enige ongerief hierdeur veroorsaak.

Jansen-groete.

Mnr. L.F. De Beer
SKOOLHOOF

Neem asb kennis dat die skool vandag om 13:00 verdaag. Jansengroete

Geagte ouers, indien u kind nog nie 'n vraestel(le) wat hy of sy tydens die toetsreeks gemis het ingehaal het nie, moet hy/sy met die betrokke personeellid reël om volgende week daardie vraestel(le) te skryf. So nie, ontvang die leerder(s) nul(o) vir daardie vraestel(le). Rapporte word op Vrydag, 14 April uitgehandig. Jansengroete

Geagte ouers, aangesien die atletiekseisoen nou amptelik verby is, sal die skool weer om 13:30 op Vrydae verdaag. LF de Beer

Die skool is bewus van die ongegronde beweringe wat gemaak word. Regsadvies word ingewin rondom regstappe teen die party/e wat die aantuigings gemaak het.

Geagte ouers neem asb kennis dat daar vanaand met die groentjiekonsert slegs ingang sal wees vanaf Rietfonteinweg en uitgang sleg in Odendaalstraat. U kan op die B-Veld parkeer.

Geagte Matriekouers
GRAAD 12-INLIGTINGSAAND: 22 Januarie 2023
Neem asseblief kennis van vanaand se belangrike vergadering vanaf 18:00 tot 19:00 in die skoolsaal. Ons versoek dat u en u kind (geklee in skooldrag) die vergadering asseblief sal bywoon. Jansengroete. LF de Beer

KRIEKETKENNISGEWING:
Alle Jansenkrieketouers van 2023 (Graad 8 tot 12) word vriendelik uitgenooi om 'n belangrike krieketvergadering op Donderdag,12 Januarie 2023, om 19:00 in die skoolsaal by te woon.
Groete.
Mnr Jannie Groenewald

Rapporte sal op Vrydag 9 Desember 2022 vanaf 8 uur tot 9 uur in die skoolsaal uitgedeel word. Maak asb seker alle uitstaande handboeke word ingehandig en dat die finansies op datum is.